مونا لیزا پیٹینگ کی قیمتی کاپی
مونا لیزا مغربی آرٹ کا وہ شاہکار ہے جس کی ماضی میں بہت سے آرٹسٹس
نے کاپی بنائی۔ لیکن اسکی ایک نقل کچھ خاص ٹھہری ۔ ماہرین نے یہ بات دریافت کی کہ
اسکی بہت سی نقول میں سے ایک ماڈرڈ کے مشہور ترین میوزیم پراڈو میں موجود ہے
لیونارڈو ڈا ونسی کے ایک شاگرد نے اسی وقت پینٹ کی جب اصل والی پینٹ کی جا رہی تھی
یہ دنیا کی سب سے قیمتی نقل خیال کی جاتی ہے ۔ 2012 میں ہوئی اسکی حالیہ بحالی کے
عمل کے دوران یہ واضح ہوئی کہ پراڈو کی مونا لیزا لیونارڈو کی مونا لیزا کی سب سے
قدیم نقل ہے ۔ لمبے عرصے تک پراڈو پینٹنگ کے بارے میں یہی خیال کیا جاتا رہا کہ
سولہویں اور سترہویں صدی میں تیار ہونیوالی بہت سی نقول میں سے ویسی ہی ایک نقل ہے
۔ اسکی بحالی کے کام کے دوران یہ حیران کن بات سامنے آئی کہ اسکا گہرا بیک گراونڈ
اس وقت بنایا گیا جبکہ پینٹنگ مکمل ہو چکی تھی جب اسکو حفاظت سے اتارا گیا تو پینٹگ
بالکل ویسی ہی تھی جیسی کہ ڈا ونسی کی اصل والی مونا لیزا تھی ۔ جدید ایکسریز اور
انفراریڈ ٹیکنالوجی کی مدد سے یہ انتہائی عجیب بات سامنے آئی کہ دونوں پینٹنگز
بالکل ایک ہی وقت میں بنائی گئی تھیں ۔ میوزیم کی نگران عملے نے یہ دعوی کیا کہ
دونوں پینٹنگز ایک دوسرے کے بالکل نزدیک ایک ہی سٹوڈیو میں بنی ہوئی تھیں ۔ اس کے
بارے میں پہلی ڈاکومنٹری 1666 میں ماڈرڈ اندر بنائی گئی لیکن یہ بات ابھی تک معلوم
نہیں ہو سکی کہ سپین کی شاہی کولیکشن میں یہ پورٹریٹ کب شامل ہوئی ۔ 1819 میں جب
سے پراڈو بنا تو یہ نقل میوزیم میں موجود ہے اور اس کو اطالوی شاہکاروں کے ساتھ
رکھا گیا ہے جو کہ ایک نقل کے بارے میں غیر ممکنہ بات لگتی ہے ۔ احیائیے علوم کے
زمانے میں تیار کردہ اصل اور نقل دونوں تصویریں ہی ایک دوسرے سے بہت مختلف دکھائی
دیتی ہیں ۔ لیونارڈو ڈا ونسی کی اصلی پینٹنگ جو کہ پیرس کے لاوور میوزیم میں لٹک
رہی ہے ، نقلی تصویر اس سے زیادہ گہرے رنگوں میں تھی دو صدیوں میں مزید گہری ہو گئی
ہے ۔
کوئی تبصرے نہیں:
ایک تبصرہ شائع کریں